Maí 2013

Þá er komið að þessu 5. tölublaði Mótor & Sport.

Þetta blað er seint á ferðinni þar sem okkur langaði að ná bílasýningu Bílgreinasambandsins

eins og lesendur sjá.Þá eru í blaðinu myndir frá hópakstri Sniglana 1. Maí. Blaðið er með

nokkurri mótorhjólatengingu og vonum við að meira af mótorhjólum rati á síðurnar hjá okkur

í næstu blöðum.

Næsta blað verður mikið tekið undir mótorsport og upphitun fyrir bíladaga á AkureyriÞá er

nú loksins farið að vora vona ég og mótorsportið að fara á stjá.hér ætlum við að skoða hvaða

mótorsport er á döfinni núna í maí.

Eins og þeir sem hafa lesið apríl útgáfuna af mótor og sport hafa séð þá var keppnisdagatalið

fyrir bílasportið í opnu þá en núna er það hins vegar dagatalið fyrir hjólasportið.Þá munum við

nota allavega eina síðu í hverjum mánuði til að kynna mótorsport og aðrar akstursuppákomur

sem verða í komandi mánuði og er þessi pistill byrjunin á því.

Krúser klúbburinn og Fornbílaklúbburinn eru báðir með vikulegar uppákomur.Krúserarnir

eru með sína vikulegu hópakstra sem byrja hjá Krúser heimilinu að Höfðabakka 9 og enda

síðan niður í miðbæ eftir nokkra Laugavegsrúnta.

Fornbílaklúbburinn er hins vegar með sína rúnta og spjallkvöld á miðvikudögum og er þá bara

að koma í félagsheimili þeirra fornbílamanna að Hlíðarsmára 9 3. hæð og skoða hvað er að

gerast.Þeir sem vilja fylgjast betur með dagskrá fornbílamanna er bent á heimasíðu klúbbsins

www.fornbill.is.

Fyrstu Íslandsmótin í Maí verða þann 11. en þá er bæði keppt í Torfæru og Drift.Það er

Formula Off Road klúbburinn sem heldur Skipalyftu torfæruna í Vestmannaeyjum, en þar eru

skráðir 6 keppendur í standardflokki og 15 í sérútbúnum flokki.Þetta gera alls 21 keppanda

sem er mjög gott miðað við fyrstu keppni ársins.Síðan er fyrsta keppnin í drift á þessu ári en

Akstursíþróttafélag Hafnarfjarðar (AÍH) Driftdeild stendur fyrir þeirri keppni og er hún eins

og torfæran fyrsta keppnin í Íslandsmóti 2013. Drift keppnin er haldin á Rallýkrossbrautinni

við Krýsuvíkurveg.

Helgina 18. og 19. Maí eru síðan tvær Íslandsmeistarakeppnir, bæði í kvartmílu og rallýkrossi

svo og bikarmót í gokart.24. og 25. er vor Rallý BÍKR og síðan sömu helgi er Torfærukeppni

AÍFS á suðurnesjum. Laugardaginn 1. júní er síðan Íslandsmeistaramót í GoKart, og síðan

Shoot Out keppni í kvartmílu.7-8 júní er síðan Rallý á suðurnesjum haldið af AÍFS, og

Kvartmíluklúbburinn heldur sinn árlega Musclecar dag á Kvartmílubrautinni þann 8. júní.